La Usc di Ladins

Na bela cumpëida de jëuni y jëunes, mutons y mutans se à abinà n sada sun l tert domesdì sun Plaza Stetteneck a Urtijëi. Chëst iede à i atlec y la atletes lascià a cësa i schi, ma trat sëura la tuta nueva ghiela y bruma che n à prejentà cun n gran stolz. La pascion de duc chisc mutons y chësta mutans per si sport ie granda, coche nce chëla de si alenadëures y nia da desmincë, l mpëni y i sacrifizes de si genitores. N vëija che te Gherdëina à l sport dal schi na gran valuta y tradizion.

215 atlec y atletes
Sun paladina à l presidënt dl Coni Sudtirol Alex Tabarelli tëut tla man la prejentazion y i saluc. Sun l palch fòvel deberieda cun la presidënta dl Schi Club Gherdëina Lidia Bernardi, che festejova n chël di nce si cumpli di ani. L ie unì prejentà la atività dla lia y si atlec y atletes. De ndut iel plu de 200 jëuni y jëunes che pratighea n sport da d'inviern te chësta lia: 120 ie i atlec y la atletes dl schi alpin, 38 chëi y chëles dl biathlon, 32 dl pudejé, 22 atlec y atletes de peves, 21 dl freestyle, 13 dl saut y cumbineda nordica, un de skicross y un de telemark. I vën alexie da 42 trainadëures.

Elisabeth Kostner

L articul va inant tla edizion nueva de La Usc di Ladins de duman juebia ai 19 de dezëmber.