La Usc di Ladins

A piz é jüda incö, ai 23 de dezëmber, la garejada de Copa dl Monn sön la Gran Risa a La Ila cun l'ultima competiziun de slalom strënt. Timon Haugan á mantigní ince tl secundo tëmp süa posiziun a ce dla classifica stlujon jö cun le miú tëmp (1'45''40) y passan dant al svizer Loic Meillard por n tëmp de 1"13. Al terzo post s'á plazé le norvegesc Atle Lie McGrath.

N de de sodesfaziuns ciöbies por i atlec ladins: al 24ejim post s'á plazé l'atlet marou Tobias Kastlunger, deperpo che por le gherdëna Alex Vinatzer á la competiziun ciafé na fin antizipada, che ne ti á nia conzedü le secundo tëmp. (mo)