La Usc di Ladins

Chëi plu de tëmp se lecurderà desse­gur mo l Trolli, plu tert fova pona ruvà ite la pizzeria da Piero y ti ani ‘80 pona l Old England Pub drët cunesciù. Giaurì l ova perdrët Silvia Zancanaro che fova bele dal 1965 incà te Sëlva. Si familia menova iló n restaurant/pizzeria. Dl 1982 fovi pona ruvei ora a Urtijëi. La pizzeria da Piero ova danz abu na vita curta: do mé plu o manco trëi ani à Silvia Zancanaro mudà stil metan ite la mubilia dl Old England Pub. De dezëmber dl ‘85 à giaurì chësc local, dessegur na cossa da piunieres, ajache vel’ da de tel ne fòvel mo nia te nosta provinzia.


N pub cun de uni sort de pieres desfrënc, for inò de biei cunzerc de mujiga jazz y blues. L fova velch che n ne N#ova mo nia udù. Oradechël fòvel tl pub na jukebox da garat, n Wur­litzer, coche n ti dijova ntlëuta. Dut chësc à i fredesc Kasslatter sëurantëut pona cin’ ani do. »Sambën àns rujenà cun nosc genitores per cialé co fé, l fova pu da messëi abiné adum i scioldi per cumpré ju l pub, y nëus fan mo scialdi jëuni,« nes à cuntà Andreas Kasslatter. »Mi fra Robert fova pona l patron nuef, ie y mi fra Leopold lauran pea«. 

SPM

L articul tla edizion atuela de La Usc di Ladins.