La Usc di Ladins

Ai 16 de dezember l Consorzie BIM Adesc Trent à endrezà sia radunanza generèla per portèr dant e aproèr si bilanzes. Chesta scontrèda, aldò del Statut, l é l moment finèl do la radunanzes de la 3 sezions toutes ite, cheles de la Val de l’Adesc, de la Valèdes del Noce e de la Valèdes de la Veisc. Chesta ultima, che tol ite ence Fascia e che à desche president Francesco Dellantonio Tasin da Soraga, era stata endrezèda ai 7 de november, descheche l é stat scrit su La Usc nr 45.

Te la radunanza generèla a Trent, a chela che à tout pèrt ence l’assessora provinzièla Giulia Zanotelli, l é stat sotrissà en particolèr l’atenzion che jà da vèlch an l BIM à palesà per la situazion de la distribuzion de l’èga da beiver e per i projec per miorèr bosserlaic e condotes, col dopie zil de smendrèr l sfrelaus de èga e de miorèr la distribuzion e la calità de chest ben primarie per duta la popolazion.

De più su La usc stampèda de en mèrtesc ai 24 de dezember.  (LG)