La Usc di Ladins

Ai 14 de dezëmber 2024 é jüdes en forza les regoles nöies por le codesc dla strada, che prevëiga straufunghes cotan plü stersces cis sce an rovënn cioc o sce an adora le fonin al volan. Sciöche i Carabiniers lascia alsavëi te n comunicat, él tla fin dl’edema passada gnü tut fat controi menüs sön les strades dla Val Badia, de Puster y de Ahrntal, olache al é spo gnü tut na desëna de patents. I carabiniers á "fat soflé" 37 ciafers, olache 7 ê sura le limo consintí y á messü dé jö la patent; te dui caji él ince gnü secuestré l’auto. Dlungia les patents tutes por alcol, n’él ciamó gnü tut 4 a ciafers che á surpassé prigorosamënter dan burces o otes, y öna na patent s’un é por n ciafer che adorâ le fonin tratan che al rovenô.  (pablo)