La Usc di Ladins

Ince por la Müjiga Calfosch–Corvara mët man n ann nü che porta ince val’ novité por ci che reverda le consëi. Sce an ciara zoruch al ann d’ativité, spo se á la Müjiga Calfosch–Corvara incunté dl 2024 plö de 60 iadi, anter proes, festes de dlijia, conzerc y ince en ocajiun de n valgönes sopoltöres.
En ocajiun dl rorate dla uniun, á la Müjiga Calfosch–Corvara ince tigní süa sentada generala cun les lîtes dl consëi. Trëi funzionars á tut la dezijiun de ne sté nia plü sö tla proscima legislatöra: Raimund Irsara do ester sté por bëgn 42 agn cassier, Manfred Oberbacher che á fat 12 agn le vizesurastant y Alex Rottonara che é sté a ce dl’uniun ti ultims 18 agn. A düc trëi ti vál n gran rengraziamënt da pert de düc i mëmbri, por döt ci che ai á fat y por döt le tëmp che ai á dé ca por la uniun. Le consëi nü por i proscims trëi agn é metü adöm da Gerhard Mohr, Michael Pescolderung, Elisa Kostner, Stefanie Irsara, Natalie Alfreider, Christin Kostner, Armin Costabiei y cun a ce Christian Daporta sciöche surastant.

Deplü podëise lí t’La Usc di 17 de jená