La Usc di Ladins

Tres la lege de bilanz 2025 él gnü porté ite na novité importanta por ci che reverda les alisiraziuns fiscales por cumpré la pröma ciasa. Ales consumadësses y ai consumadus ti vëgnel dé plü tëmp por vëne n imobil bele de proprieté, zënza perde l’alisiraziun fiscala dl 2% dla cuta de register.

Chësta mudaziun reverda:
- i consumadus y les consumadësses che stlüj jö dal 1. de jená dl 2025 inant n contrat de cumpra autentiché dal notar;
- les consumadësses y i consumadus che á stlüt jö dl 2024 n contrat de cumpra notaril autentiché, mo n’á nia venü so cuatier vedl anter la fin dl ann.

Dal arlungiamënt dl termo é stlüc fora: les consumadësses y i consumadus che á stlüt jö le contrat de cumpra notaril autentiché dan le 1. de jená dl 2025 y che á bele superé le termo de n ann preodü dal vedl regolamënt por la venüda dl vedl cuatier.
Por podëi s’anuzé de chëstes alisiraziuns, mësson ademplí ince certes condiziuns. Informaziuns menüdes é da ciafé sot al link https://www.consumer.bz.it/de/steuerverguenstigung-erstwohnung-einfuehrung-einer-zwei-jahres-frist-fuer-den-verkauf-der-alten