La Usc di Ladins

La sozietà Fassa Terme à chiamà ite en vender ai 11 de oril te sala de Consei de Comun de Sèn Jan sia radunanza ordenèra per l’aproazion del bilanz de ejercizie serà su ai 31 de dezember del 2024 e l renovo de la encèries sozièles. L bilanz moscia n utol de 25.731 euro (34.995 euro chel del an dant) de chisc, descheche à aproà i sozi, 1.287 euro vegn metui a resserva legala e i etres a resserva statutaria. N bilanz che no spieia aboncont l valor del capital de la sozietà che moscia ades n patrimonie net de 3,7 milions de euro a front de n investiment al scomenz de 12 milions e 800 mile euro, descheche à spiegà l conseier Roberto Arghenini. La sozietà an do an la seghita a crescer e fèr cassa de gra al numer di ingresc a la termes, che laora ben ence tel fora de sajon – à dit l president Claudio Bernard – e per chest la pel ence fèr de neves investimenc.

Per chel che vèrda la gestion de la termes, touta su da Quadrio Curzio, Bernard à rengrazià l nef diretor Federico Kaltembacher, »na persona a la man che se n capesc«. Va inant l gran empegn de la sozietà per l recognosciment de l’èga termala de le Gran Fontane, n percors lonch che domana temp e atenzion.

Se pel lejer dut su La Usc nr 15 dai 18 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Monica Cigolla)