La Usc di Ladins

En lunesc ai 6 de jené, dì de Pèsca Tofènia, l Ski Team Fascia à endrezà sun Aloch na garejèda de slalom lèrch per la categories de Allievi e Ragazzi del zircuit Itas Mutua e Oros, zircoscrizion B, per meter a la leta l Trofeo Familia Coprativa de Fascia. La giornèda era snigolèda e la neif belebon mola ma l é stat istesc na bela dì de sport e spas con passa 130 joegn e joenes se à dat batalia anter i ujes su la neif per se vadagnèr la pruma posizions. 
A la premiazions a la fin de la garejèdes à tout pèrt, apede al president del Ski Team Fascia Lorenzo Cemin, ence l president de la Coprativa de Fascia Norbert Bernard che à sotlineà l’emportanza de investir te la neva generazions con les compagnèr te sie percors de crescimonia travers valores segn e condividui. 

De più, con la classifica di miores, su La Usc stampèda de en vender ai 10 de jené.  (MCI)