La Usc di Ladins

Florian Clara garejëia bele da 18 agn incá tla Copa dl Monn de liösa sön pista naturala. Agn cun n gröm de sodesfaziuns dantadöt tl dopl, olache al á arjunt cun Patrick Pigneter le bel numer de 68 devëntes. Ci che ti manciâ ciamó, ê la devënta tl singul, y chëra é sëgn garatada: en lönesc de Santaguania ál davagné la gara sön la pista "Gafair" a Laas, cun le tëmp de 2:06.31 y n vantaje de 41 centejims sön le compagn de scuadra Daniel Gruber. Terzo a plü 65 l’austriach Michael Scheikl. Patrick Pigneter, che comanâ ciamó la gara do la pröma manche, á albü dificoltés tla secunda y é toé zoruch al 6. post.  (pablo)