La Usc di Ladins

La sabeda ai 14 de dezëmber s’á i Stödafüch d’Antermëia, adöm ai ghesć inviá adalerch, incunté dales 19:00 te palestra dla scora, por tigní süa reuniun generala. Un di punc prinzipai dla serada ê chël dles lîtes dl diretif nü, che á porté tröpes novités. Bele danfora êl tler che le comandant Ulrich Rubatscher y le cassier Klaus Castlunger ne s’ess nia plü metü a desposiziun, porchël él gnü fat na prelîta, olach’al é gnü fora n valgügn candidac. Insciö é stada la lîta bindebó saurida y tlera. Sciöche comandant nü é Simon Clara gnü lité cun 31 usc sön 32; por la inciaria da vizecomandant él gnü lité Matteo Flöss cun 17 usc. Tl consëi él rove ite David Clara cun 30 usc sciöche cassier, Felix Schanung cun 31 usc sciöche vardian dles mascins y Alex Erlacher é gnü confermé cun 27 usc sciöche scrivan. Ivan Agreiter y Luca Schanung á ciafé l’inciaria da comandanc de grup.

Deplü sön la sentada generala y l’ativité ia por l’ann, cunta Alex Erlacher t’La Usc di Ladins di 10 de jená  (pablo)