La Usc di Ladins

Ida, Vo siede da Ciampedel?
Na, son da Ciampestrin, é 80 egn, son nasciuda del 1944 e del 1970 me é maridà con Nini del Faure, Cherubino proprio l era sie inom, l era l fi de Gigio dal Faure che l concèa osc, e son vegnuda a stèr a Ciampedel.

Che velel dir che l concèa osc?
L ge dajea n tiron e l stichèa o l fascèa, e i dijea che l metea a post, l saea fèr.

A Ciampedel ve aede fat ite sorì?
Jà dant de me maridèr lurèe da chesta su ti hotie, é lurà via la Ladina, a l’Aquila, al Tyrol te bar, e ló é cognosciù mie om. A me didèr a me fèr ite l é stat Eleonora Riz de Janoto. Aon lurà ensema, jiane a fèr su lec e da disnèr, la me à tirà ite te n muie de robes. Ela me à tirà ite tel giro, perché canche son vegnuda a stèr a Ciampedel ere foresta. (LG)

De plu tla edizion stampeda de La Usc di Ladins o sun l e-paper a paiament www.lausc.it/e-paper