La Usc di Ladins

Dotours
Dutor Gherdëina
L dutor de servisc da n sada ai 11.01. dala 08:00 daduman nchin la 08:00 daduman de n lunesc ai 13.01. ie la dutu­rëssa Janine Santifaller, che ie da urté tl ambulature dla dr.ssa Cordula Weber a Urtijëi, streda Trebinger 10, tel. 377/3132223.
Doturs Val Badia
Tla fin dl’edema di 11 y 12 de jená él en sorvisc ti comuns de Mareo y San Martin la doturia Stefania Febbraro, Al Plan, tel. 377 3288595. Ti comuns de Badia, Corvara y La Val él en sorvisc le dotur Alberto Caretta, Badia, tel. 0471 839706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 10.01. nchin n vënderdi ai 17.01. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 10 de jená dales 19:00 al vëndres ai 17 de jená ales 19:00, é chëra da La Ila, tel. 0471 847152.

Sport
11.01.
HC Gherdëina C vs. Plebiscito Padova Waves (IHL Divijion 1)
L HC Gherdëina C nvieia ala partida contra l Plebiscito Padova Waves, ai 11 de jené dala 20:30 tl stadio Pranives te Sëlva.
16.01.
HC Gherdëina vs. EC Die Adler Kitzbühel
Tl stadio Pranives de Sëlva saràl ai 16 de jené dala 20:30 la partida dl campiunat AHL (Alps Hockey League) danter l HC Gherdëina y l EC Die Adler Kitzbühel.
18.01.
HC Gherdëina C vs. Storm Pinerolo
L HC Gherdëina C nvieia ala partida contra l Storm Pine­rolo, ai 18 de jené dala 19:30 tl stadio Pranives te Sëlva.

Avisc
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cumëmbri dla Lia Gaia.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
15. y 23.01.
Sessiuns forestales tla Val Badia
De jená vëgnel tigní les ses­s­uns forestales tla Val Badia. Por i comuns de Mareo, San Martin y La Val éseres en mercui ai 15 de jená dales 20:00, tl gran salf dl Istitut Ladin a San Martin de Tor; por i comuns de Badia y Cor­vara saráres en jöbia ai 23 de jená dales 20:00, tla Ciasa Runcher a Badia.
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00, de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.

Chino
Atualmenter
Al chino de Cianacei
Anché, vender ai 10 de jené da les 17:00 vegn moscià »Mufasa: il re leone« e dal es 21:15 »Here« che vegn dat ence en sabeda ai 11 e en do­menia ai 12 semper da les 21:15, domenia da les 17:00 l é »Mufasa: il re leone«; mercol ai 15 da les 17:00 l é »Sonic 3«, jebia ai 16 da les 17:00 »Toys-Giocattoli alla riscossa« e da les 21:15 »L’abbaglio«. Info www.cinemacanazei.it

Temp Lede
Atualmënter
La Val: Ala descurida dl paisc
Na ciacia al tesur particolara condüj fora por le paisc da La Val. Tratan döt l’invern pón tó pert a na spazirada inte­rativa. Deplü indic y do­mandes daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
Atualmënter
Lounge Bar Urtijëi
Uni juebia nchin ai 13 de merz nvieia de plu bars a Urtijëi a n aperitif cun mujiga dal vif o DJ, dala 16:30 nchin la 19:00. N juebia ai 16 de jené meterà DJ Pesx su de bela mujiga pra l Café Corso. Nce tl Bar Stetteneck y Café Adler saràl mujiga. L prugram plu avisa ie da abiné sun valgardena.it
13.01.
Pudejé de nuet cun luna colma
Sun Pana puderàn nuzé la pista da pudejé debant per pudejé de nuet cun luna colma, ai 13 de jené dala 20:00 inant. L mprëst dai schi ie n chësta sëira daviert.
13.01.
Torchlight

• 
•  

View the embedded image gallery online at:
https://www.lausc.it/manifestazions-y-evenc/28609-manifestazions-atuales#sigProId0619199ce5

Dantercëpies
La Scola de Schi de Sëlva nvieia duc a fé pea pra la def­ileda cun chentli led sun l purtoi de Dantercëpies. N se anconta ai 13.01. dala 18:45 japé dla Dantercëpies per jì su duc deberieda nchin suinsom.
14.01.
Sommelier sön pista
En mertesc ai 14 de jená án la poscibilité da se fá na roda cun i schi tl raiun dl’Alta Badia, adöm a n maester de schi y a n sommelier. An storj pro te döes üties por ciarcé na seleziun de vins de Südtirol. Iscriziuns y informaziuns online o ti ofizi turistics dl’Alta Badia.
14. y 16.01.
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mertesc y jöbia dales 20:00 ales 22:00. Al ó ester le schi­pass, la cherta de plü dis o an pó ince cumpré na cherta por chë sëra.
15.01.
La Ila: cun i schi ince da sëra
Sön la pista »Doninz« a La Ila pón jí vigni mercui cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
15.01.
Nos Ladins cun Michele
Cun »Nos Ladins« án la po­scibilité da descurí deplü sön le monn ladin y i mistiers de nosta jënt. En mercui ai 15 de jená pón passé n domis­dé cun le pech Michele a La Ila, y arjigné ca spezialités locales. Iscriziuns y informa­ziuns online o ti ofizi turistics dl’Alta Badia.
18.01.
Lia da Mont Gherdëina: sëira de batadù
La Lia da Mont Gherdëina mët a ji na sëira de batadù cun lotaria de pesc´n sada ai 18 de jené dala 17:00 inant tla Utia Pramulin a Santa Cristina.

Religion
11.01.
San Martin: Preparaziun dl Bato
La Uniun dles Ëres Catoliches de nosc decanat inviëia düc i geniturs che á n pice möt da batié, pêrs che aspeta, toc y totes de nosc decanat ala pre­paraziun dl Bato, en sabeda ai 11 de jená dales 15:00 ales 17:00, tl salf di stödafüch a San Martin. Al vëgn aprofondí l’importanza de chësc sacra­mënt, presenté le ritus y spli­ghé i simboi dl Bato. Se pre­noté pro Lucia al 334 320 0396.

Publizistica
10.01.
Prejentazion dl liber: L itiosaur de Secëda
Ncuei, vënderdi ai 10 de jené dala 18:00 uniràl prejentà l liber nuef »L itiosaur de Secë­da» tla Cësa di Ladins a Urti­jëi. Duc y dutes ie nviei de cuer.

Leteratura
15.01.
L Cuartet leterer śën nce tla televijion
N mierculdi, ai 15 de jené, dala 20:50 saràl da udëi sun Rai Ladinia l Cuartet leterer – forum de descuscion sun leteratura. L unirà rujenà y pustejà n cont di RAPs per ladin dl autor Marc Senoner y l cumponist Luca Langgar­tner che fej la mujiga ritmica aldò. Cunzet y muderazion: Rut Bernardi, n cunlaurazion de Ingrid Runggaldier, Roland Verra y Mateo Taibon.

Cursc
13.01.
Balé per ëiles 50+
Bai per ëiles sëura i 50 ani cun Greti Mussner. Uni lu­nesc, nchin ai 3 de merz, dala 16:00 nchin la 17:30 per de ndut 8 iedesc, te sala de Calo­nia a Urtijëi. N scumëncia n lunesc ai 13.01.
27.01.
Cursc da d’invern cun la US La Ila
La US La Ila mët a jí sëgn d’invern deplü cursc: ai 27.01. mët man n curs de karate sportif por chi dla elementara, ai 27.01. n curs de autodefe­nüda por gragn, ai 07.02. cursc da nodé por mituns dla scolina, y ai 07.02. cursc da nodé por chi dla elementara, de düc i liví. Informaziuns plü menüdes y iscriziuns sön www.uslaila.it sot la usc »Fitness«.

Mostres y Ert
Atualmënter
Mostra 50 ani Dolomiti Superski
Tl Tublà da Nives iel da udëi na mostra n ucajion di 50 ani dl Dolomiti Superski, che resterà da udëi nchin ai 12 de iene, uni di dala 15:00 nchin la 19:00.
Atualmënter
Mostra »a me, a voi«
Cina ai 7 de merz él da odëi tl salf dles manifestaziuns da Corvara la mostra de Gabriel Colombani da Calfosch. Al é na mostra de fotografies dla natöra, olache vigni foto i é dedicada a na porsona o a n monumënt spezial. La mostra é daverta dal lönesc al vën­dres dales 8:00 ales 12:00 y dales 16:00 ales 18:00; la domënia dales 10:00 ales 12:00.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le pro­scim termin é ai 16 de jená 2025. Al vëgn dé fora da man­gé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
14.01.
Sport ladin
Dales 20:50 ca.
15.01.
L Cuartet leterar
Dales 20:50 ca. Aldò dla tra­dizion dl »Literarische Quar­tett« tla televijion tudëscia y dl »Literaturclub» tla televijion svizera à l Cuartet leterer tla rujeneda ladina śën nce metù a jì n Cuartet per la televijion. L unirà rujenà y pustejà n cont di RAPs per ladin dl autor Marc Senoner y l cum­ponist Luca Langgartner che fej la mujiga ritmica aldò. Per la tecnica se à cruzià la firma per videos Fusago de Agostino Fuscaldo. N prugram de Rut Bernardi cun la culaburazion de Ingrid Runggaldier, Roland Verra y Mateo Taibon, a cura de Alessandro Dapunt.
16.01.
Judacrep
Dales 20:20 ca. Program de Eu­gen Cela. a cura de Leo Senoner.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
11.01.
Momënc de vita: intervista a Elena Nagler
Dales 19:05. Elena Nagler é chersciüda sö a Badia, la scora alta âra fat a La Ila y sëgn éra tl laur da studié Sciënzes dla formaziun primara tl Univer­sité a Porsenú. Sté cun i mi­tuns y les mitans ê tres stada süa pasciun y da setëmber inca ára metü man da lauré cun i plü pici. Elena nes cunta de so laur cun i plü pici y en plü nes fejera conësce le liber, che ara á scrit deboriada cun Giada Dapoz. N program de Erika Castlunger.
15.01.
Jent da zacan: Tone de Poldin, pionier del socors da mont
Dales 19:05. Antonio Rizzi dit Tone de Poldin l’era n om paruscent e semper grignolent, n menacrep che adum con de etres l’à metù su la Lia Krepes Vaiolet, l’à endrezà l prum socors da mont te Fascia jà del 1949 e jiaan dò a si pa­scion per i sasc l’à metù su n picol museo mineralogico a Sen Jan. Program de Anna Mazzel e Anelise Vian.
16.01.
Zachei Zaolà: Stefan Cainelli
Dales 19:05. Te chesta puntata sion duc envié a oujer i eies en su per fèr n viac delaite del mond de l’astrofotografia! Per jir vindedò la coltrines de chest setor particolèr de la fotografia aon desche ghest Stefan Cainelli che, en colea­ment da Urtijëi, l ne portarà a descorir zeche de più su la marevees che l é te l’univers. Program de Cinzia.
Informaziuns plü menüdes sön i programs radio y televi­jion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Media­teca« y les trasmiscions radio sota »Podcast«.