La Usc di Ladins

Ai 25 de dezëmber dl 2024 iesen julei sun Plan de Corones ulache n turista de naziunalità belga fova tumà cun i schi, se fajan scialdi mel. Do la vijita dl dutor l àn menà riesc cun l joler tl spedel de Burnech cun l suspet che la milza fova fureda. L jëunn à messù unì uperà de prëscia. Dala 12:45 iel mo stat n ntervënt te Sëlva.
Ai 26 de dezëmber à la zentrela cuntatà l Aiut Alpin ntëur la 12:30 pen n nzidënt cun i schi sun purtoi de Piz La Ila. Do la prima cures iesen julei cun la pazienta tl spedel de Persenon. Dala 13:40 iel stat mo n nzidënt sun purtoi, chëst iede a Longiarü, per n’ëila cun n trauma ala giames. Ëila àn menà cun l joler tl spedel de Burnech.
Dala 17:50 à la zentrela cherdà l joler per n’emergënza sanitera te Sëlva y plu tert mo una a Urtijëi: tramedoi iedesc àn menà i pazienc a Bulsan te spedel.

De plu tla edizion stampeda de La Usc di Ladins o sun l e-paper a paiament www.lausc.it/e-paper