La Usc di Ladins

La pröma ediziun dl ann, é por La Usc di Ladins chëra olache an ciara zoruch ai tröc avenimënc - bi y manco bi - che á caraterisé l’ann passé. Baldi ne n’á gnanca l’ann passé mancé les desgrazies, i mesdefüch y les tempiades che á fat dann. Dl ater vers él sté avenimënc politics importanc, che al sides les lîtes europeiches y a livel local les lîtes de Comun a La Val. Tl ciamp dla dlijia él sté l’ann de Jeunn, al é sté l’ann dl gran iubilé dla dlijia a La Val y chël dla restauraziun dla dlijia a La Ila. Onoranzes ne n’á gnanca mancé: che al sides la onoranza Euregio por le musical "Ujöp da Oies", le pest di paurs ala munt rové sön Badia o les döes medaies al mirit a Corvara y Badia. Tl ciamp dl lingaz él sté l’ann dl dizionar todësch - ladin che é jü online y l’ann dl tradutur automatich ladin, tl ciamp dla cultura l’ann dl pest Angelo Trebo y dl proiet Phone. Nia inultima le sport, cun le campionat mondial de spartan race por Luca Pescollderungg, les medaies olimpiches de Philipp Brunner o la sajun de suzes de Rita Granruaz. 

Chësc y deplü podëise lí tla retrospetiva, t’La Usc di Ladins di 10 de jená  (pablo)