La Usc di Ladins

N sada ai 21 de dezëmber à i pitli biatlec dl Schiclub Gherdëina purtà ora la prima garejeda dla sajon te Antholz. L se tratova de n sprint dl Hubert Leitgeb Cup, na lingia de garejedes a livel de Provinzia. 
Katharina Senoner à venciù la gare­jeda U11 y ie campiunëssa provin­ziela, Isabell Kasslatter se à te chësta categuria tlassificà segonda. Alice Mantovani ie vizecampiunëssa tla categuria U13.  Tla categuria U13 di mutons à venciù l atlet biadiot Ivan Willeit.

N dumënia, ai 5 de dezëmber iel pona stat la segonda garejeda dl Hubert Leitgeb Cup, chëst iede tl zënter de biathlon de Ridnaun. Katharina Senoner ie nce te chësta garejeda stata la plu asvelta de si categuria sun i schi y la à nce tucà duta la scëibes a stlupeté y à nscila tl tëmp de doi enes venciù l segondo titul provinziel.
N bon plazamënt à nce arjont l atlet plu jëunn dl Schiclub Gherdëina David Oberhauser, ël ie ruvà sun l terzo post tla categuria U9. 

Per l Schi Club Gherdëina, Wilma Kostner


L articul ntier tla edizion nueva de La Usc di Ladins de n vënderdi ai 17 de jené.