La Usc di Ladins

La dlijia s’á implí de jënt bele adora, jënt rovada adalerch da döta la valada, mo ince sura nüsc raiuns fora. Le publich ê corius y ne savô nia ci che al ti aspetâ, sides por ci che reverda le titul, sides por ci che reverda la pert musicala y scenografica. Ara se tratâ de n proiet, de na colaboraziun daldöt nöia: musiga, cor y band. Bele dan da dui agn â i surastanc dl musiga, di Kyrios y dl Soundwave Project, adöm ai dirighënc partí le dejier da mëte en pe n conzert da Nadé n pü’ particolar.

La tematica dl conzert
Nadé: decoraziuns lominoses, scincundes, sté adöm, comunité, melodies che scialda le cör. Mo ince: malinconia, momënc de reflesciun y surité. Le Nadé é n tëmp de contrasć, olache abondanza y debojëgns, ezesc y mancianzes se fej sintí plü stersc. Le fin prinzipal dl conzert ê chël da invié le publich a ciaré a ci che se ascogn do la parüda liciorënta dl Nadé, por descurí ince süa atra pert, chëra che vëgn gonot ascognüda ia por rové a fá na reflesciun personala sön ci che cunta veramënter.

Deplü podëise lí y odëi t’La Usc di 17 de jená