La Usc di Ladins

L é ora de lasciar lo de tor per l cul la jent, che padesc e no pech. N muie i é sul or de la meseria, no i sà co meter ensema marena a cena, i é strenc da na inflazion che porta a la fam popolazion entrie, mile e mile jent laora al fers per pece moneide a l’ora, le bolete le é semper più pesoche e empienir l tanch del penzin l é semper più ciar. L goern, chest goern Meloni, Salvini, Tajani, che fajel? L taa a man bassa l redit de zitadinanza, e coscita no l ciastia demò chi pec furbi, me ence mile e mile familie che da chel sostegn aea la soula segureza per poder viver, e chest baratà con na emprometuda pech chiara de n post de lurier, valch outa ence n muie dalonc da ciasa.
Ai 3 o 4 miliogn de persone che struscia per manco che 9 euro a l’ora se vel ge far creser che no l é con na lege che se pel obligar a paar la jent de più, che l é l ‘cuneo fiscale’ la soluzion de duc i problemes del popol talian, che l vif, canche l pel, de so lurier e che l paa le tasse amò dant de se meter te guofa i scioldi che l à vadagnà. (Letra de Floriano Bernard de Cechinol, Pera)

De plu tla edizion stampeda de La Usc di Ladins o sun l e-paper a paiament www.lausc.it/e-paper