La Usc di Ladins

Cotan de secui dan la nasciüda de Gejú Crist, s’ál svilupé tla Cina n pinsier filosofich, religius y politich. L’ideadú de cösc ponsier é Confuzius. Al á dit danter n gröm de gran realtés che l’etica é importanta desco la vita instëssa y che la convivënza é n sistem de grup y nia de egoisć. Al á ince proé da svilupé en ponsier de ideai dles virtus, co é umans y nia de idoi superiusc. I cineji, co á ierpé cöstes formes y leges dal ponsier á na cultura plü vedla co chëra dai Vangeli. An pó se tó a dí che l’umanité dai paisc desferënc á düc elaboré sü ponsiers, da Budha a Gejú, da Zaratustra a Confuzius. I vijitadus de chisc paisc vën enfluenzés da chisc fondadus dal ponsier y con döta cösta frenesia d’aldedancö pón dí che nosc ponsier n’é nia plü nost, mo de vigne cultura umana, moscedé da deplü. Magari pó cösc ince ester d’ütl por la pesc, deache i azetun döt, en pü’ desco nüsc partis politics da sën, varieté, por podei azeté döt. (Letra de Simon Josef Rubatscher, Longega/Mareo)

De plu tla edizion stampeda de La Usc di Ladins o sun l e-paper a paiament www.lausc.it/e-paper