La Usc di Ladins

Na lauda a Denni Dorigo y ai trëi Istituc Ladins per avëi metù a jì tan a puntin l cunvëni »I ladins, na tacia da culëur«. Na manifestazion per i cënt ani dala spartizion di ladins te trëi provinzies y doi regions. N à pudù scuté su reladëures de uni ciamp storich, soziolinguistich, culturel y giuridich. Cumplimënc nce a Jasmin Ferdigg per la muderazion fata cun gran bravura.
Purtruep iel da muië che deguna autorità politica de Gherdëina ne fova prejënta. É usservà chësta cossa nce d’autri iedesc canche la manifestazions di ladins univa tenides ora de Gherdëina.
Ie pa la reprejentanza politica de Gherdëina tan puech nteresseda al daunì de nosc ujins ladins y se sëntela pa dantaldut tan pasciuda che la ne se dënia nia plu de cialé sëura si cunfins aministratifs ora? (Letra de Engelbert Mauroner, Urtijëi)

De plu tla edizion stampeda de La Usc di Ladins o sun l e-paper a paiament www.lausc.it/e-paper