La Usc di Ladins

Chesta del goern Meloni él batalia contra i scafisć o le ONG per fermar l flus de migranc iregolares?
Me domane: tenc de scafisć te chest moment él stat fermà? Pec, o fosc nesciun, amancol da chel che se à podù lejer.
Tante de ONG enveze él stat fermà ti porc per meisc e le à ciapà multe de mile e mile euro per aer fat più che n salvament te n’outa demò, libran da mort segura vite umane, l più de le oute joegn, e ence amò te gremen de la mare?
Aéssei fosc cognù lasciar naufragar e morir dejine e dejine de desperé?
La logica del goern talian, e ence european, someassa dir de scì. L é na vergogna che ciga vendeta al ciel.
Él chesta la vera contra la migrazion clandestina tant uzada fora da chest goern? Personalmemter me sà proprio de no. E che dir dapò de la cordanza tant palesada con la Tunisia, con a ciaf n ver e proprie ditator? (Letra de Floriano Bernard de Cechinol, Pera)

De plu tla edizion stampeda de La Usc di Ladins o sun l e-paper a paiament www.lausc.it/e-paper