La Usc di Ladins

Dotours
Dutor Gherdëina
L dutor de servisc da n sada ai 02.03. dala 08:00 daduman nchin la 08:00 daduman de n lunesc ai 04.02. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Ti comuns de Mareo y San Martin él en sorvisc tla fin dl’edema di 2 y 3 de merz le dotur Eduard Agreiter, tel. 0474 523315 o 333 1380852. Ti comuns da La Val, Badia y Corvara él en sorvisc le dotur Guido Caretta, tel. 0471 839706 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 01.03. nchin n vënderdi ai 08.03. ie chëla de S. Cristina, tel. 0471/7921 06 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres al 1. de merz dales 19:00 al vën­dres ai 8 de merz ales 19:00, é chëra da Corvara, tel. 0471 830237.

Chino
Atualmenter
Al chino de Cianacei
Anché, vender al prum de mèrz da les 21:15 l é »Dune–Part 2« che vegn moscià ence en sabeda ai 2 e en domenia ai 3 de mèrz semper da la medema ora. Sabeda ai 2 e domenia ai 3 da les 17:00 l é »Peppa’s cinema party«. En mercol ai 6 da les 21:15 l é »La zona d’interesse«. Program su www.cinemacanazei.it.
Atualmenter
Al chino de Tieser
Insnet, vender al prum de mèrz da les 21:15 l é »Tutti tranne te«, sabeda ai 2 e dome­nia ai 3 da les 17:15 l é »Emma e il giaguaro nero«, sabeda ai 2 da les 20:45 e domenia ai 3 da les 20:30 l é »Dune–Part 2«, jebia ai 7 da les 21:15 l é »Appuntamento a Land’s End«. Program su www.cinematesero.com

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
05.03.
Monumënc de ert y storia: la dlijia de Ospedà (Cortina)
Dales 20:50 ca. La dlijia de Ospedà è dedicada a San Micurá, a San Blaje y a Sant Antone Abat y ara é gnüda fata sö tl 1226 dlungia n ospize por viandanc y pelegrins, sön la strada de Alemagna, la strada che coliëia da vedla­mënter incá Aunejia cun i Paisc Todësc. La dlijia é de proprieté dla Regola alta de Larieto, che mët a jí deboriada cun la Regola alta de Anbrizola na prozesciun da d’aisciöda y da d’altonn por perié che la sajun sön les munts vais bun y por rengrazié de na bona racoiüda. N program de Erika Castlunger, camera y tai de Hans Peter Karbon a cura de Alessandro Dapunt.
06.03.
Df: Ëiles jëunes y l vester ëila
Dales 20:50 ca. L se udëi ora pic y ciantons tl vester ëila. On metù dan chësta cuestion Carolina, Valeria, Lena y Nadia. Cater jëunes sun l lim dl’età adulta. Tan stersces se sënteles’a? Ce pënseles’a dl feminism? Y ce se aspieteles’a dala vita? Cun ntervistes ala jëunes: Carolina Moroder, Valeria Bernardi, Lena Moro­der, Nadia Kasslatter.Program de Laura Calar Moroder, a cura de Anna Mazzel.
07.03.
Scenar ert y cultura: Ismaele Soraperra – Nadia Kasslatter
Dales 20:50 ca. Coche bele si pere, si nëine y si besavon, à nce Ismaele Soraperra ulù tò la streda dl’espressività artistica. Danter Verona y Bologna, studian per n sies mënsc nce a Anversa, de gra al proiet Erasmus, giapa l jëun de Cianacei for inò mpulsc nueves per analisé si ntëurvia tres na tle astrata che va a descrì nosta realtà post moderna Nadia Kasslatter se nteressea mpue de dut, dala mujiga nchin al scrì. La ie dantaldut na bona usserva­dëura y tol su la sensazions y i pitli mumënc de vita per i nuté su sun si cudejiei. L scrì ie per ëila na maniera coche uni autra per cijidé sun plata chël che nia for uelen cunedì a duc. Program y cunzet: Ivan Senoner, tai: Hans Peter Karbon, a cura de: Leo Senoner.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
05.03.
N rait a nëi a tora sigü
Dales 13:45. Te chësc program recordunse les regoles por jí en segurëza sön munt cun i schi, tla nëi intiera. N program de Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
01.03.
L baterist Nick Mason à cumplì 80 ani
Dales 19:05. L baterist di Pink Floyd, Nick Mason, à cumplì da puech 80 ani. Ël ie danterauter l sëul, che à fat pea duta canta la produzions dla band nglëija de gran suzes y l stil de suné la bateria de Mason à caraterisà te na maniera particulera l sound de chësta grupa. Ël ne fova degun virtuos de bateria, ma ël fova cumpetënt y da stramp bon de se adaté ala cianties. L ie bele da plu ani che l vën te Sëlva à passé si feries, jan nce cun i schi. Trasmiscion de Pauli Senoner.
02.03.
Che comana pa tl cosmos?
Dales 19:05. La competiziun por l’esploraziun dl cosmos ne se á nia rové cun la fin dla vera frëida. Incö él de plö naziuns, mo ince aziëndes privates, che á de gragn interesci te chësc »teritore«. Sce ponsun ales misciuns scientifiches, ales staziuns spaziales o ai milesc de satelic che orbitaia incër la tera, mo ince ales ressurses minerares che ó gní sfrutades, nes vëgnel natural damané che che comana tl cosmos. Program de Iris Del Valle.
03.03.
Helmuth Schmalzl messova tò dezijions mpurtantes
Dales 19:05. L campion de schi de Urtijëi à vivù pea dut ciche suzedova tl »circo« blanch: n iede sciche atlet, pona sciche diretëur tecnich dla scuadra naziunela taliana y pona mo sciche respunsabl delegà FIS, ncëria che l à abù per bën 17 ani alalongia. Hel­muth conta de si sperienzes, che ël à pudù fé ntan chi biei ani y nce cie che ël fej al didan­cuei (segonda pert). Trasmi­scion de Alex Runggaldier.
06.03.
Turism: n autra vijion
Dales 19:05. L turism é nasciù e crescù te nosc raion, l’à portà benesser ma se scomenza a veder tres de plù si stentes e critizità: turbo turist e biteboi dutintorn. Co se pelel pa jir inant e se pelel pa l cioler de plù a na sostenibilità soziala e ambientala? En rejonon con Elide Mussner e scutaron ence testimonianzes de chi che laora coi turisc con n auter spirit. Program de Anna Mazzel.
07.03.
Ma plü crazacii tla Val Badia dl dagnì?
Dales 19:05. Podëi se pormëte n’abitaziun tla Val Badia devënta tres plü ri por nosta jënt. Al é sëgn l’ora da ponsé a soluziuns. I architec Daniel Tolpeit y Jan Marc Castlunger ne s’presënta süa vijiun. N program de Sara Frenner.

Prejentazions
02.03.
Giaurida y prejentazion dl’audioguide per l troi de Jevun
N duman, sada ai 2 de merz dala 11:00 se anconten a Tluses te zità pra la cialea ulache n pëia su sun Jevun. L vën cuntà la storia te 10 lueges su per la Via Crucis.

Temp Lede
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
Vigni mercui
La Ila: cun i schi ince da sëra
Sön la pista »Doninz« a La Ila pón vigni mercui jí cun i schi ince da sëra. Ara é daverta dales 20:00 ales 22:00. Por tó pert ól ester na cherta di lifc che vel plü dis.
Vigni mertesc y jöbia
Al Plan: cun schi o liösa da sëra
Sön la pista »Cianross« a Al Plan pón jí cui schi o cun la liösa ince da sëra, vigni mertesc y jöbia dales 20:00 ales 22:00. Al ó ester le schi­pass o la cherta de plü dis.
01.03.
Storia de 15 menuc
Tla biblioteca de San Durich a Urtijëi cunterà Max na storia per mutons y mutans: n vën­derdi ai 1. de merz dala 15:00. Duc ie de cuer nviei a unì a scuté su.
04.03.
Calfosch: Action show
En lönesc ai 4 de merz dales 21:00 él sön la pista a Calfosch n spetacul da pert dla scora de schi, olache al gnará pre­senté deplü ativités sportives da d’invern y ince da d’isté. Le grup »Pirates Freestyle Team« mostrará spo salc acrobatics.
03.03.
Spetacol de jogoleria su la neif
En domenia ai 3 de mèrz l grop de jogolieres de Circen­sema endreza n spetacol e n laboratorie de jogoleria sun Ciampac. L laboratorie per i bec picoi taca ite da les 10:30 e da les 11:30 l é l spetacol su la neif e sui giac de la neif.
06.03.
Nos Ladins cun Tone
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 6 de merz él n apuntamënt cun le socoridú Tone, che pitará na desmostra­ziun de socurs cun so cian. Infos y prenotaziuns sön www.altabadia.org o ti ofizi turistics dl’Alta Badia.
07.03.
Bun de Gran Risa
En jöbia ai 7 de merz vëgnel tigní a La Ila le terzo apunta­mënt de »Bun de Gran Risa«. Por l’ocajiun pón jí cui schi sön la »Gran Risa« bele dales 7 da doman, adöm cun i maestri de schi, y porvé da gní jö por n percurs de gigant sciöche da na gara de Copa dl monn. Dedô ciafon n bun gosté tla ütia »Club Moritzino«. Prenotaziuns sön www.alta badia.org o ti ofizi turistics.
07.03.
La Ila: The Cartoon Ski Show
En jöbia ai 7 de merz dales 21:00 él i maestri dles scores de schi da La Ila y Dolomites che lascia odëi sües abilités tecniches sön la pista »Doninz« a La Ila. Le spetacul porta le titul de »The Cartoon Ski Show«, cun personaji de films animá por mituns. Al tol pert ince le grup »Pirates Freestyle Team«.
07.03.
Skishow dla Scola de Schi Saslong
La Scola de Schi Saslong nvieia de cuer ala prejentazion sun i schi ai 07.03. dala 20:30 inant sun l purtoi da Palmer a Urtijëi.
08.03.
Dolomites Dirndl Ski Day
Gherdëina festejea l di mundiel dl’ëila ai 08.03. cun na manifestazion sportiva sun Mont de Sëuc: l Dolomites Dirndl Ski Day, cun na gare­jeda de slalom paralel. L’iscri­zions vën tëutes su tla Lia dl Turism de Urtijëi.
08.03.
Chino speziel
N ucajion dl di nternaziunel dl’ëiles mët la biblioteca de Urtijëi a jì na sëira de chino, n vënderdi ai 8 de merz dala 20:00.
8-10.03.
27^ Scufoneda
Dai 8 ai 10 de mèrz i Scufons del Cogo endreza la 27^ Scufoneda con schièdes coi schi da telemark e raides con la cèspes sun Sèn Pelegrin e da sera con evenc gastrono­miches te restoranc e bares de Moena e sul jouf.
15.03.
San Ciascian: laboratore sön i dinosaurs
Le Museum Ladin mët a jí n laboratore creatif por mituns y mitans dai 4 ai 7 agn. Al vëgn tigní en vëndres ai 15 de merz dales 15:00 ales 16:30, tl Museum Ladin Ursus ladinicus a San Ciascian. Le laboratore é davert por 15 partezipanc. Le prisc é de 5,00€ a ce. Informaziuns y prenotaziuns por telefon al 0474 524020 o por mail a prenotaziuns@museumladin.it

Avisc
Atualmenter
Bambi con »Ester tel cher«
La Sociazion Bambi sostegn na regoeta de bonaman per didèr i bec de Ester Palmieri, la femena da Valfloriana copèda da sie om, che do se à tout la vita. Trei picioi anter i 5 e i 10 egn é resté orfegn. Chi che vel ge sporjer n dida­ment i pel dèr na bonaman metan la causala »Ester nel cuore« sul cont con chest iban: IT97U 08184 34570 00001 0012200.
Atualmënter
Iscriziuns ala scora de musiga – online
Les scores de musiga dla provinzia deura les iscriziuns por le proscim ann de scora, dal 1.03. cina al 31.03.2024. Les iscriziuns vëgn fates online tres le sorvisc dl’amini­straziun provinziala »myCivis« https://civis.bz.it/einschreibu ng-musikschule L’azes al sorvisc vá tres SPID, CIE (cherta d’identité eletronica) o cun la cherta di sorvisc ativa­da. Informaziuns plü menüdes sön www.musikschule.it
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
08.03
L CGF festeja la eles che scrif
Ai 8 de mèrz, dì de la eles, Servije Sozièl e Servije lingui­stich/culturèl del Comun General de Fascia endreza na scontrèda co la scritores de la comunanza che se à dat ju tel ciamp leterèr, per les fèr cognoscer e ge dir develpai. Te sala Grana del CGF da les 17:00 duta la scritores é envièdes a tor pèrt e a l fèr saer per i 5 de mèrz al 0462/764297.
02.03
Cena solidala per la pèsc te la Palestina
Doman, sabeda ai 2 de mèrz te oratorie de Poza da les 19:00 l Grop Miscionarie Freina­demetz e Mato Grosso, con Operazione Colomba (Corp noviolent de pèsc de la Co­munità Papa Giovanni XXIII) e la parochia, endreza na cena solidala. Se podarà condivider n bast scempie con cercia de magnères de la Palestina e scutèr la testimonianza de volontadives che opera te anter la jent te chi teritories martorié.
02.03
Lumes su la malaties rères
Doman, sabeda ai 2 de mèrz, l é l secont apuntament endrezà dal Comun General, con sie Servije Sozièl, Spazio Argento e l sostegn de Scola e APSS per l dì de la malaties rères. La scontrèda é da les 15:00 al Garnì Villa Mozart a Cianacei per n tè ensema.
07.03.
Apuntamënc cun la denfensëura populera te Gherdëina
Tla Cësa de Chemun a Urtijëi possen se ancunté cun na defensëura populera, for la prima juebia, uni segondo mëns, dala 09:00 nchin la 12:00. L proscimo apuntamënt ie ai 7 de merz. Prëibel se nuté su cherdan su l 0471 946020.
04.-07.03.
Sakl: iscrizions
L proiet per l instà Sakl, per mutons y mutans dl 2009-2012 (n valguna enes nce per 2007-2008), vën metù a jì dala Nëus Jëuni Gherdëina, dai 20.06. nchin ai 30.08. L orar depënd da ena a ena. La iscrizions possa unì fates tres mail info@njg.it: a Urtijëi ai 06.03., a Runcadic ai 07.03., a S. Cristina ai 05.03., te Sëlva ai 04.03., for dala 07:00 inant.
08.03.
San Martin: udiënza dla defensuria popolara
La defensuria popolara o süa sostituta tëgn udiënza a San Martin de Tor, tl salf di stödafüch, en vëndres ai 8 de merz dales 14:00 ales 17:00. Por prenotaziuns cherdé sö le 0471 946020. Les proscimes udiënzes de chësc ann a San Martin é spo ai 10 de ma, 12 de messé, 13 de setëmber y 8 de novëmber.
14.03.
Instà tl Bosch: iscrizions
L proiet per l instà Instà tl Bosch, per mutons y mutans dl 2017-2021, vën metù a jì dala Scolina tl Bosch, dai 08.07. nchin ai 30.08. dala 07:45-12:30. La iscrizions possa unì fates tres mail ai 14.03. dala 07:00 inant: info@canalescuola.it
15.04.
Instà Vif – iscrizions
L proiet per l instà Instà Vif, per mutons y mutans dl 2010–2017, vën metù a ji dai Che­muns de Gherdëina cun cin’ lies, dai 24.06. nchin ai 23.08. dala 08:30-12:30 o dala 13:30-17:30. La iscrizions possa unì fates tres l link o QR–code che n abina sun l julantin dat ora, ai 15.04. dala 20:00 inant.
18.03.–22.03.
Iscrizions »Ncantëur tl bosch«
La Lia Gaia mët a jì l proiet da d’instà »Ncantëur tl bosch«, per mutons y mutans dl 2018-2020 y na segonda grupa per i ani 2013-2017. L proiet va dai 24 de juni nchin ai 23 de agost, la prima doi enes a Puntives, pona 4 enes te Sëlva sun Daunëi y daldò inò trëi enes a Puntives). Orar: 8.00-8.30 nchin 14.00-14.30, puscibltá de unì a tò dala 12.30 (sun dumanda). La iscrizions vën tëutes su dai 18.03. nchin ai 22.03. tres l formular sun www.pro-gaia.net.
18.-26.03.
Pavël: iscrizions
L proiet per l instà Pavël, per mutons y mutans dl 2013– 2020, vën metù a ji dal VKE deberieda ai Chemuns; a Urtijëi dai 01.07. nchin ai 16.08., a S. Cristina y te Sëlva dai 08.07. nchin ai 23.08., for dala 07:30–14:30 y un n di nchin la 15:30. La iscrizions possa unì fates tres l portal VKE, for dala dala 07:00 inant: Urtijëi ai 18 y 19.03.; S. Cristina ai 25 y 26.03.; Sëlva ai 21 y 22.03.

Referac
06.03.
La Ila: la ëra y le dër ecuiliber
»Ecuiliber – ëra, laur, uma, fomena, laurs de ciasa, hobbies...: l’ert da ciafé le dërt ecuiliber«. Chësc é le titul de na sëra de informaziun y discusciun cun Paul Felix Rigo, en mercui ai 6 de merz dales 20:00, tl salf dla Raif­feisen a La Ila. Organisaziun: Uniun dles ëres tl artejanat, en colaboraziun cun le Consëi de formaziun de Badia.

Cursc
14.03.
San Martin: curs da incrazé scüsces de üs por Pasca
Curs organisé dala Uniun dles ëres da San Martin, cun la refe­rënta Rosmarie Verginer. Al vëgn tigní en jöbia ai 14 de merz dales 19:00 ales 20:30, tl Museum Ladin a San Martin.Prenotaziuns pro Margareth al 339 3115679. Cost: 10,00€ a ce; al pó tó pert cina 10 porsones.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Chiló vëgnel dé informa­ziuns y sostëgn por les chestiuns che reverda le guern y l’assistënza.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. I proscimi termins é ai 14 y ai 28 de merz. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristi­na l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
08.03.
Jita a Persenon cun la grupa »Deberieda«
La grupa »Deberieda« nvieia a na jita a Persenon, n vënderdi ai 08.03. N se anconta dala 14:00 dan la Cësa de Paussa a Urtijëi. »Deberieda« ie na grupa cun ulenteres, per se ancunté danter persones che à problems psichics o de sozialisazion.
08.03.
Badia: ciüfs por n bun fin
La Uniun dles Patrones de Badia tol pert ince chësc ann al’Aziun dles Primules. En vëndres ai 8 de merz dales 8:30 ales 12:30 gnarál venü ciüfs, sön plaza de Comun a Badia. Döt le davagn i jará ala inrescida sön le crebesc.

Religion
01.03.
De mondial d’oraziun dles ëres
Ince chësc ann vëgnel recordé tla Val Badia le De mondial d’oraziun dles ëres, olache an prëia en particolar por les ëres dla Palestina, te dlijia de chisc paisc. Al 01.03. dales 7:30 a San Ciascian, dales 15:00 a La Pli, dales 17:00 a Badia y La Val, dales 18:00 a La Ila y dales 18:30 a Corvara; ai 02.03. dales 18:00 a Al Plan y dales 18:30 a San Martin; ai 03.03. dales 8:15 a Lungiarü y Rina, dales 10:00 a Anter­mëia; ai 05.03. dales 10:00 a Calfosch.
02.03.
Badia: preparaziun dl Bato
Geniturs che á n viadú da batié, pers che aspeta, totes y toc dl Decanat Val Badia é inviá ala preparaziun dl Bato, en doman sabeda ai 2 de merz dales 15:00 ales 17:00, tl pice salf dla Ciasa Runcher a Badia. Dedô pice renfrësch arjigné ca dala Uniun dles Ëres de Badia. Prenotaziuns al 334 3200396.
03.02.
Santa Mëssa a Urtijëi
N ucajion dl di dla solidarietà mët l KVW de Urtijëi a jì na Santa Mëssa sun l argumënt »respunsabltà vivuda per l crià«, n dumënia ai 3 de merz dala 09:00 tla dlieja de San Durich a Urtijëi.
09.03.
Ancuntè Gejù – Santa Mëssa per families
L Cunsëi de p´Pluania de Urtijëi nvieia de cuer duc i jëuni y la jëunes, mutons y mutans, geni­tores y nëinesc ala santa mëssa dla families, ai 9 de merz dala 17.00 te dlieja de Urtijëi. Refe­rënt: Vijo Pitscheider.

Mujiga
01.03.
Cunzert di 30 ani dl Cor di Jëuni Urtijëi
N vënderdi ai 1. de merz dala 20:00 festejea l Cor di Jëuni Urtijëi si iubileum di 30 ani cun n gran cunzert tla Cësa di Cungresc a Urtijëi. L Cor di Jëuni Urtijëi ve nvieia de cuer.
07.03
Conzert de e per ‘Eles’
En jebia ai 7 de mèrz per la festa de la eles tel Gran Tobià Teater de Cianacei da les 20:30 vegn endrezà la seconda edizion del conzert ‘Eles’. Tol pèrt Cianton da Marevea, Beate Iori, Cristina Carpano e Jenni Perathoner da Gher­dena; prejenta Alberta Rossi. Dutes e duc é envié, vegn tout su bonaman per ‘La Voce delle Donne’.
8.03-17.03
Dolomiti Ski Jazz
Ai 8 de mèrz taca l Dolomiti Ski Jazz, da les 12 sun Ciam­pac con Marco Castelli New Organ Trio. Anter i conzerc clou da les 21.00 da sera: ai 9 al teater de Pardac Roberto Gatto Quintet; ai 14 al Palafiemme de Ciavaleis Viva de Andrè; ai 15 te Museo Ladin Alex Trebo e Manuel Randi e ai 16 gran final te Navalge a Moena con John Scofield Quartet. Dut l program su www.fassa.com.

Iadi y Jites
14. – 21.04.
Cures y palses a Abano Terme
Dai 14 ai 21 d’aurí vëgnel organisé n iade cun le bus a Abano Terme. Al é da s’anun­zié anter le 1. d’aurí pro Monica Costa al 0474 590069 o le 348 9604485.
25.–28.04.
L ie mo lerch: viac de 4 dis a Augsburg, Ulm, Dachau y Ettal
La grupa KVW de Santa Cristina fej a l savëi che per l viac da d’ansciuda, y plu avisa dai 25 ai 28 de auril, iel mo vel’ lerch. Jënt nteresseda possa cherdé su Emmerich Senoner al 335 5713575.

Teater
06.03.
Sajon de teater de Fiem
Per la sajon de teater forin Fiem, en mercol ai 6 de mèrz da les 20:45 te teater de Tieser la compagnia Trento Spetta­coli endreza l spetacol »Pio–andata & ritorno« n monologh de e con Andrea Castelli.
17.03.
A Tieser a teater
Per la rassegna »Il piacere del teatro« en domenia ai 17 de mèrz da les 20:45 te teater de Tieser la compagnia del Cactus de Perjen met en scena l spetacol »Il fantasma di Canterville« de Oscar Wilde.

Mostres y Ert
Atualmënter
Mostra »L troi« (Der Weg) de Helmuth Prinoth
La mostra dl artista de Urtijëi Helmuth Prinoth dal titul »Der Weg«–n ucajion dla espo­sizions »Kunst im Gang[e]«, sarà da udëi nchin ai 17 de mei, for dal lunesc nchin al vënderdi dala 08:00–12:00 y de juebia nce domesdi, 16:00–18:30.
Atualmënter
Opra de Hugo Vallazza
La lia culturela Tublà da Nives nvieia ala mostra de na panora­mica dl opra de Hugo Vallazza, che resta davierta nchin ai 15 de merz, uni di ora dl lunesc, dala 15:00 ala 18:00.