La Usc di Ladins

La Usc   Bondì Maria Rosa, posto te prejentà n curt?
Maria Rosa Lorenzi   Eh, prima de dut ai da dì che a l'anagrafe mi ai inom Maria Rosa, ma duc i me ciama Rosetta, che l é l inom che m'à dat ma fradel co sievane picui e l m'é restà: ades se via per piaza i me ciama col mio inom vero gnanca no me ote! L mio inom de famea l é Chenopo, che l é na famea che se ciata ntei registri dal 1700 inavant, incia se n eva un bele ntel 1400 ma no i à ciatà l colegament anter chisc. L inom Chenopo l ven dai minatori todesch, e chilò in Anpezo aon incia la Val dei Chenope, che da Sorabances la va su a Prato Piazza.

E nte tua vita ce asto fat de bel, da podè ne contà?
Son juda a la Scola d'Arte fin a la terza, po son juda a laurà n Coperativa e po nte la botega del Malto, na termosanitaria che ades no la é pi. M'ai maridà co sonve jovena, de disnuof agn, e col mio prim om ai bù n tosat e na tosata, che ades i é granc e cujì son nona de zinch anter neoi e neode. Ai cugnessù l mio secondo om, che l vigniva da la Carnia, co l é stat mandà a comandà la Tenenza de la Guardia de Finanza chilò n Anpezo, e son juda con el canche i lo tramudava de ca e de là per l'Italia ajache l eva n ufizial e n pilota de elicotero: i militar de cariera no i vigniva lassei nte n pais pi de trei o cuater agn parceche no i se fesse massa ite nte le storie de ilò.

Deplù te la edizion dl 6 de merz