Alex Delucca, Vo nventëis juesc. Co sëis'a ruvà pra chësc lëur?
Chëla di juesc ie for stata per mé na gran pascion y é for mpue' pensà coche n pudëssa ruvé a lauré te chël ciamp. L ann passà se àl pona purtà pro chësta ucajion de scumencé cun chësc lëur y chël plu avisa cun l giaurì de n escape room.
Cie fajais'a dant?
Studià éi nfurmatica y é laurà tl ciamp dla nfurmatica dantaldut per hotiei.
Ce juech ie pa chësc escape room?
L ie n juech che ie deventà »in« te truepa gran ziteies dl mond. N l fej te na grupa de 4-5 persones, deberieda muessen purvé a abiné ora misteres y enigmes per vëncer. L ie da abiné codesc, tleves da giaurì for inò cosses, portes nueves, nchin che n ruva ala fin dl juech. Vëncer vëncen deberieda. L ie n juech che n fej deberieda nia un contra l auter. L ie na bela esperienza da fé te na grupa, danter cumpanies, ma nce a l fé danter cumëmbri dla medema familia iel nteressant. Tlo te Gherdëina, plu avisa sun Plan da Tieja, ons doi sales, che vën prejentedes nce sun escapevalgardena.com. Chisc juesc ie unics al mond, l ne n'ie nia na copia dla medema sala nzaul d'auter.
Deplù te la edizion dl 22 de mei
|
|
