Bondì Mattia, posto te prejentà n curt?
Ai inom Mattia, ai 18 agn (son nasciù ntel 2001, sode che nta Col sione domà de trei de chel an) e per ades laore ntel local de ma pare a Selva de Ciadore.
Ti che t'as finì la scola sto an, ne conteto n frego come che la é juda col ejam de maturità che l é stat fat n maniera desferenta dal solito?
L ejam de maturità l é ju pulito: son jù scola al ITE Calvi a Belum e a la fin son vignù fora con 93 su 100. A la fin i ava dezijo de l fà »n prejenza«, alora aon fat l ejame nte na granda aula, coi professor sentai ju biei dalonz dai studenc. Aon fat dut l ejame a os: i m'ava dat davanfora n elaborat de economia de la dita, mi n'ai descorest con lori come se fosse na teji de l'università e po a pèe via da chel m'ai tacà ite con dute chele autre materie.
Esto stat pi content de l fà nte chesta maniera o avesseto vulù l fà come che se l feva i agn normai?
De n zerto vars la m'é juda pulito, ma se incia i n'avesse fat fà l ejame incia scrit no m'avarave cruzié ajache no ai mai bù de granc problemi con chi. A la fin bogna dì che l aon passà de duc, con na lode e zinch 100 su trenta studenc.
Deplù te la edizion dl 31 de messel
|
|
