La Usc di Ladins

Les finales é stades emozionantes cina ala fin, mo sëgn él döt tler. A Umhausen tl’Austria él sté chësc fin dl’edema les finales dla Copa dl Monn de Liösa sön pista naturala. Le resultat plü plajor é gnü tla categoria dl dopl, olache Florian Clara da Lungiarü y Parick Pigneter da Völs ti l’á fat por le 11. iade da se mëte al sigü la Copa dl Monn. Ai ê bele jüs al start cun 85 punc de vantaje, mo ince pla finala ái desmostré süa superiorité, meton a saul la devënta cun 2:34.58 y insciö 97 centejims de vantaje sön i rusci Pavel Porshnev y Ivan Lazarev, che comanâ ciamó do la pröma manche. Pigneter y Clara comana insciö la classifica generala cun 670 punc, avisa 100 deplü co i dui rusci. Terzi é gnüs Patrick y Matthias Lambacher, che é insciö medaia de brom ince tla Copa dl Monn cun 510 punc.

Deplü sön les finales t’La Usc di Ladins di 21 de forá  (pablo)