La Usc di Ladins

Tel fin de setemèna passà la Ritten Arena de Renon se à tramudà te la capitala europeèna del Pond Hockey, varianta de l’hockey modern che se porta ite la reijes del jech tradizionèl e l vegn jià apontin desche l'antenat del sport che anchecondì cognoscion. A Collalbo se à prejentà 52 squadres, beleche 300 jiadores, anter i etres n muion de ex campions. Agonism, ma soraldut gran devertiment, mascimamenter anter i più joegn. Ence i Falcons à volù tor pèrt con valgugn de si bec e l resultat l'é stat dassen bon, coi picoi fascegn che se à prejentà su la giacia con na maieta per l'ocajion con scrit sù “Da la Ladinia vegnon con tel cher l'hockey, noscia gran pascion!”

Su La Usc de vender ai 21 de firé informazions e resultac de duta la partides di joegn falchec: l'Under 13 a Ora, l'Under 15 con l'Egna/Ora e con l'UC Pustertal Junior, l'Under 17 Fascia/Alleghe de contra al Varese e l'Under 19 a Bornech.  (Daniele Verra)