N prum pensier al balon jià: él stat senester se usèr a jièr zenza i veterans che à lascià l Fascia Balon dant del scomenz de chesta sajon?
No l'é stat de segur sorì lasciar nesc veterans, timpruma per l'esperienza e la calità che i dajea, ma ence e soraldut perché i ne engaissaa endana i arcedamenc. Personalmenter
View the embedded image gallery online at:
https://www.lausc.it/sport/12394-luca-trottner-i-bec-l-e-i-campions-varda-de-tegnir-dur#sigProIdbfb21a6e35
https://www.lausc.it/sport/12394-luca-trottner-i-bec-l-e-i-campions-varda-de-tegnir-dur#sigProIdbfb21a6e35
Apontin tu Luca, t'ès rità la fascia de capitan: co te sèl chest post de gran responsabilità e che velel dir per te aer chela veta dintorn l brac?
Aer la fascia al brac, descheche tu dis tu, l'é na gran responsabilità, ma tel valif moment la me fasc content e n muie stolz. L capitan l'é responsabol per chel che sozede ite e fora dal teren de jech, soraldut ti deregoladoes. Noi sion n grop n muie joen, aon amò trop da emparar e gio proe a ge dar a duc n consei aldò de le esperienze che é fat te le categorie più aute.
A vardèr la classifica te chest moment, siede a descombater per no jir jù de categorìa. Peisseste che la squadra sarà bona de verejèr enscin a la fin e de se salvèr?
Me é troà de segur te situazion miore, ma son segur che con l'arcedament, la pascion e la dedizion che duc ge met podon se salvar. Se aon enjignà dalvers, aon fat sacrifizies chest invern per far la preparazion: se sà che a star chiò te Fascia no se à le condizion otimale per se arcedar, soraldut de firé col freit e la neif, e che duc aon empegnes de lurier, ma te la soula partida che aon podù far aon desmostrà de aer lurà dalvers e de esser en forma.
Da sportif, e da capitan de na squadra, veste ge lascèr n messaje a chi che ne lec te chest temp de carantena?
Da sportif e da capitan del Fascia Balon voi dir chest: stajé a ciasa, fajé moviment, meté su musega e balà. Lejé n liber, magnà de gust e tegnì aut l'umor. Vardà de tegnir i contac coi amisc e sentì de spes chi de ciasa. Ai joegn e ai bec, sé che cogner star semper a ciasa l'é de segur na gran limitazion, zenza amisc, gropes, sport, festes e ledeza. Ve resta giusta la scola con le lezion online. Per me voi siede i veri campions de chest moment, fossà forc e vardà de tegnir dur per l ben de duta la comunanza.
Duta l'intervista, con autra riflescions sul “picol" campionat del Fascia e sun chel “gran" de la serie A, é da poder lejer su La Usc stampèda de vender ai 10 de oril.
(Daniele Verra)