La palestra pel esser na pascion

Data

16 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Anter alimentazion e ejercizies, Luca Daprai l ge va dò a l’ensomech de fèr garejèdes Classic Physique
La palestra no l’é demò fadia e sforz per se tegnir en forma, ma pel esser ence ensomech e pascion. N joen fascian che à fat de chesta pascion scheji na rejon de vita l’é Luca Daprai da Cianacei, student del liceo scientifich de Poza de 18 egn. Ence el, enceben che l se aesse tegnù en forma tel temp del Covid, l’é stat content de veder endò se averjer i ujes de la palestres.

"Colugn él ti obietives per l davegnir? - Mie obietif l'é seguramenter chel de garejèr, Classic Physique, n ensomech che é da temp. Spere de ge ruèr apede prest. Per endèna no é mai fat garejèdes, ence se n'é vedù n muion. No l'é na roba che ge pièsc a duc e l capesce, ma no l'é nience na roba da duc. La preparazion per na gara te tegn empegnà per n muie de temp, 24 ores su 24. Per chest volesse che chesta pascion doventassa n lurier, o amancol che mia vita ge śire dintorn".

"Co cogneste pa lurèr e magnèr per ge jir dò a chest ensomech? - Per ge stèr dò a chesta pascion cogne lurèr ogne dì, dut l dì. Fae 9 bèsć en dì, n muie de outes fenesce de magnèr da la una de net. E no pa picoi bèsć, desche n mezmesdì o n marendel, ma riches e duc pesé. N'outa en setemèna me conzede n »sgar«, n bèst che me dae l met de magnèr chel che voi, vèlch de »normal« desche dir... sui 63 bèsć de la setemèna, me sà giust me l consentir, ence per me dèr la forza de jir inant per chesta strèda. Me alene 6 outes en setemèna, dut l corp e ence chel che conta de più, l cef, chest 7 dis su 7. Vigni alenament l me sfenesc, porte mie corp al sfiniment e coscita me sà bel".


Duta l'intervista su la Usc nr 23 stampèda ai 12 de jugn  (Daniele Verra)