La Usc di Ladins

Pech dalonc dal lech de Garda, Rivoli Veronese ge à dat alberch a la Mesa Bike Special Edition. La garejèda regionèla era averta a la categorìes agonistiches e donca l’era duc i più forc atlec de la MTB, ma ence ai amatores che, te chest an de emergenza sanitèra, i no à abù n muie de ocajions per se meter a la proa sui troes de sia pascion sun doi rodes.
L program pervedea la partenza da les 9:15 dadoman en domenia ai 26 de messèl, partenza sburlèda de 15 menuc a cauja di numerousc controi pre-gara leé a la normatives anti Covid. Dapodò l’é stat l start, con più gropes despartii ponté via a distanza l’un da l’auter: endèna che i atlec i spetèa de partir, i à cognù se tegnir sù l couribocia. Sul percors estra che i Elite, ence Juniores e apontin amatores.

De più sui resultac su La Usc 30 di 31 de messèl  (Daniele Verra)