La Usc di Ladins

Travert sun Crepa Neigra. Chest l’obietif tel cef di coridores che à tout pèrt en domenia ai 20 de setember a la 13^ edizion del DoloMyths Vertical Kilometer. La gran festa sportiva che vegn fata vigni an a Cianacei via per messèl con la 3 proes del DoloMyths Run (Vertical, Ultratrail e Skyrace) chest an no à abù l met de esser vivuda. Aboncont l Comitat de endrez vidà da Diego Salvador à volù istesc ge fèr n picol don ai coridores fascegn, e no, con na bela garejèda su noscia Dolomites: »Aon volù – à dit l president tras i canai social de la DoloMyths Run – endrezèr a l’ultim moment chest event, desvalif dal solit percheche la restrizions che met dant la lege ne à fat pissèr na garejèda mingol desferenta, ma semper con na calità n muie auta e ben endrezèda. Sion contenc de coche à responet i atlec con gran partezipazion e cognon seguramenter ge dir n develpai a duc i sponsor che ne deida semper, ence chest’outa che sion fora dal temp e a l’ultim moment«.

De più su La Usc 38 di 25 de setember  (Daniele Verra)