La Usc di Ladins

No seghita l moment positif del Fascia Balon che sul ciamp de Villa Agnedo l’à perdù per 3 a 1 contra l’Ortigaralefre. La endesfida scomenza con n par de trates di fascegn ma zenza ge creèr problemes al portier de cèsa, col passèr di menuc i patrons de cèsa taca a schicèr te sie mez ciamp i joegn fascegn e a 10 menuc da la fin del prum temp i é bogn de passèr inant con na trata da tanche ite l’area de rigor. Te la seconda pèrt Trottner e compagnes taca a spenjer per segnèr l pont de la parità che l rua dò n chèrt de ora dal scomenz de la seconda pèrt con Massimo Lorenz che l’é bon de segnèr de gra a l’assist de Michele Petrone. I bec de mister Chelodi seghita a tachèr per passèr en vantac con n par de trates da ite l’area de rigor ma zenza ejit e a 10 menuc da la fin rua la befa co na gran azion de un dt patrons de cèsa che met junsom al sach la bala de la venta. I fascegn proa a la ciapèr endò ite la partida ma i lascia bujes e a pech da la fin i ciapa amò ence l terzo gol che ge dèsc la venta definitiva a l’Origaralefre. Nia da fèr per l Fascia Balon che proarà a se trèr sù en sabeda ai 17 de otober da mesa les 9 da sera contra l’Auta Anaunia.

De più en cont a la squadra mendres sul numer de La Usc 41 de vender ai 16 de otober  (Pierpaolo Rasom)