La Usc di Ladins

Gran bela prestazion per l joen fascian del 2001 Alessandro Chiocchetti (Fiamme Gialle) che en domenia ai 10 de jené a Brentonico l’é ruà prum te la proa a tecnica ledia, categorìa Giovani, endrezèda da la sozietà locala sul portoi Baronessa Salvati di San Giacomo.
La garejèda del Trofeo GSG, de valuta per l zircuit Itas Mutua, l’é stat la pruma de la sajon de paslonch dò la paussa emponuda da l’emergenza sanitèra.
Te la proa de ic, trei rodes da 3,3, km ogneuna, Chiocchetti à fat segnèr l temp mior, 26’30”53, con n destach de 24”9 da Giacomo Varesco (Gs Castello) e de 46”3 da Simone Mattarei (Sc Rabbi).

De più su La Usc 02 di 15 de jené  (Cristina Marchetti)