La Usc di Ladins

Fin de setemèna de garejèdes tel Tesin, olache l é stat dat fora i titoi de campions trentins Under 12 e Under 11 de slalom lèrch e de skicross per l zircuit Dao Conad. 

L slalom lèrch, che aessa cognù vegnir endrezà a Folgaria, l é stat plindernà su la neif del Tesin sul portoi Bosco del Brocon en sabeda ai 16, semper per endrez del Sci Club Città di Rovereto, enveze la domenia a se cruzièr del skicross sul portoi Valfontane l é stat la sozietà locala, Sci Club Cima Dodici.

Per chel che vèrda i ejic di picoi atlec ladins, la neva più bela rua dal slalom lèrch te la classifica Cuccioli 2, olache aon ben doi venjidores: Sofia Peterlini, clasc 2012 del Ski Team Fassa la é ruèda pruma anter eles e so conscrit Gregorio Buffatti del FassActive à vent anter ic.

De più su La Usc stampèda de en vender ai 22 de mèrz.  (LG)