La Usc di Ladins

Da le 6 inant l é pontà demez i prumes escursionisć, che fossa chi che à tout part zenza cogner portar dant l zertificat del dotor e a chi che no ge é stat tout ju l temp. Chisc i é se n jic en su, con so pas, zenza i stragauc di atlec che enveze i é ponté demez da le 8 da sera.
Da chela ora belapontin, i era presciapech 100 chi da le ‘tutine’ dedant Tony Sport, vertiesc a se dar batalia su per chi erc! E trei, doi, un … n bot e de beliscimes feghes ge à dat l via a chisc atlec che, desche tize, i é corec su per strada fin su da la forenadoa, ju i schi su la neif e via endò dut chel che i era bogn.
Manco che trenta menuc e la pruma cobia la era jà su!
Simone Manfroi e Alex Oberbacher à stat 28.43 menuc per ruar sunsom e i à vent la garejada. Doi menuc do l é ruà la seconda cobia – Ulrich e Patrick Gross – (30.52) e ence la terza – Daniele Felicetti e Nizolò Zorzi (31.09).

Bela Ladinia, semper più bela!

De più su La Usc stampèda de en vender ai 22 de mèrz.