Consei General en streaming

Data

02 de mei 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ai 23 de oril i componenc en videoconferenza à aproà l bilanz e rejonà de la “task force” del CGF.


En jebia ai 23 de oril l president Francesco Pitscheider à chiamà ite per la pruma outa Consei general dò l scomenz de l’emergenza per coronavirus en videoconferenza e en streaming per la partezipazion del publich.

L Consei à tout dant l bilanz de previjion per i egn 2019-2021, che é stat prejentà da la Conseiera de Procura Lara Battisti e dapò aproà, ensema con l Document Unich de Programazion 2019-2022 e la Nota de Integrazion, con la astenjion di  conseieres de la Ual.

L bilanz va fora su la soma de 17 milions e mez de euro per l’an 2020, enveze per i egn 2021 e 2022 l’é stat pervedù la soma de beleche 11 milions e mez a l’an.

Dapò la procuradora e senatora Elena Testor à metù en consaputa di vèresc per chesta emergenza e l’à anunzià che l’é stat metù ensema n desch tecnich de esperc che tol ite l dotor Luca Nardelli per i aspec sanitères, l comerzialist Giancarlo Torghele, l’avocat Lorenzo Eccher, l’espert de marketing e pianificazion teritorièla Umberto Martini e l’ex minister Gian Marco Centinaio. Per i imprenditores l’é stat chiamò Giulio Misconel, e dapò sarà Carlo Vadagnini per l mond del credit e Elisa Maccagni e Virna Pierobon per l turism e la comunicazion del teritorie, coordené da la medema Elena Testor ensema con l conseier provinzièl ladin Luca Guglielmi. No l’é stat tout ite raprejentanc locai de la categorìes, ma chestes – à dit Testor – vegnarà scutèdes travers n chestionèr.

I conseieres Giorgio Mazzel e Thomes Amplatz à domanà maor coinvolgiment del Consei general te la azions del CGF e Giorgio Dorich à dit che per sie cont chest desch tol ite massa jent foresta e che ence te val se podessa troèr la medema competenzes, con n eie più ascort ai besegnes de Fascia.


De più su La Usc stampèda de jebia ai 30 de oril 2020.  (Lucia Gross)