La Usc di Ladins

Duc speta èrs la data di 4 de mé, canche se podarà vegnir a saer a na vida più chièra chi che podarà pontèr via endodanef con sia atività e soraldut co. L goern nazionèl e provinzièl à emprometù per la setemèna che vegn la linees guida che cognessa meter dant regoles, limitazions e conzescions.

Chi che no se à fermà te chisc meisc de stop obligà dal coronavirus l’é stat i Comitac manifestazions de la val che à chierì ence chest an de meter jù n rich program de evenc.

Su La Usc stampèda de jebia ai 30 de oril se pel lejer i programes per l’istà del Comitat Cianacei Events vidà dal president Marco Dellantonio, di Comitat Enjoy Poza e Vich Events con a cef Mara Dorich e Daniela Cigolla, e amò l pensier de Ilaria Petrone, presidenta del Comitat manifestazions de Moena, de Loretta Pederiva neva presidenta del Comitat manifestazions de Soraga e de Michela Marangoni, coordenadora di evenc de Mazin e Ciampedel e presidenta de la Sociazion culturèla Antermoa.  (Monica Cigolla)