L’Apt en streaming sul davegnir de la vacanza

Data

05 de mei 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En mèrtesc ai 5 de mé da les 17.00 vegn endrezà na scontrèda su YouTube per meter dant i dac regoec sui mudamenc del turism.

Via per la setemènes passèdes l’Apt de Fascia, dal president a la direzion, al Comitat Esecutif, i consulenc de TSM e desvalives colaboradores, en particolèr de l’area prodot, à tout sù informazions sul trend del turism, talian e internazional, dò l’emergenza Covid-19. 

Ai 23 de oril ge é stat manà a 62.256 scric ite a la newsletter de l’Apt l sondaje “La vacanza da d’istà”. A chest chestionèr à responet 3.324 persones, na perzentuèla del 5,4% (auta respet al 2-3% che se se spetèa). Da la respostes l’é vegnù fora informazions enteressantes per endrezèr l’acolienza e i servijes da d’istà che cognarà esser desferenc respet ai etres egn.

L turism l’é l setor più tocià da chesta pandemìa e per chest l’é essenzièl esser enjigné a ge dèr respostes al marcià talian, ma ence a se confrontèr con i referenc di marcé foresć, con chi che fin ades l’Apt à colaborà. Dac, tendenzes e riflescions sun chisc temes é stac regoec tel document “5 - 5 - 5: da la enrescida al mudament per l davegnir de la destinazion” che met dant i scenaries turistics di meisc che vegn (fin a 18), vèlch input per i tour operator e l mudament de la domana di ghesć. Amò apede vegn prejentà vèlch informazion che revèrda i maores marcé foresć e soraldut che peissa i refuges e la domanes che i à tout sù fin ades.  

Da chel che l’é vegnù fora dai chestionères mané fora ai ghesć se sà segur che chest istà i arà manco dis de feries e manco scioldi da spener, che i preferesc fèr vacanzes più curtes e prenotèr last minute, che sarà grana l’atenzion ai temes de la sanità e de la segureza e che i preferesc se mever con l’auto donca jir te posć vejins che i cognosc ben. 

De chest e de auter vegnarà rejonà anché domesdì, mèrtesc ai 5 de mé, da les 17.00 te na scontrèda en streaming endrezèda da l’Apt de Fascia con la partezipazion de Paolo Grigolli de TSM.

Se pel tor pèrt a la direta streaming dal canal YouTube travers l link https://www.youtube.com/watch?v=DXr-VR0iVNU.  (MCI)