La Usc di Ladins

Te chisc ultimes tempes ogne atività no fondamentèla se à fermà per via del coronavirus ma ades pian pian se scomenza a pissèr a zeche auter, se taca da nef a fèr projec per l davegnir.

A Cianacei l’aministrazion de comun enten meter a jir n intervent enteressant e de valuta tant per i ghesć che per la jent dal post: presciapech acà n meis l’é stat dat sù l’encèria de la direzion lurieres, l’ultim at de n percors aministratif tacà amò del 2017, per la realisazion de n percors geologich enlongia l ruf Antermont fin aló da l’entrèda de la Cèsa de comun che l’é su Piaz Marconi. 

L’obietif l’é chel de valorisèr l zenter del paìsc e tel medemo temp fèr cognoscer la richezes ambientèles e geologiches de noscia val e de la Dolomites, se emprevalan de l’esperienza e de la competenza te chest ciamp del compaesan Tone Valeruz.

De più su La Usc stampèda de jebia ai 30 de oril 2020.  (Cri.m)