Con la emergenza sanitèra del Covid-19 firmes e ativitèdes à cognù lascèr sù sia atività per beleche doi meisc e coscita la é stata ence per i lurieres a rencurèr sù l bosch da la piantes crodèdes a cauja del tormen Vaia.
Chesta setemènes passèdes sul tegnir de la Frazion de Vich la firma Klade Group da l’Austria à endò podù tachèr ite e nos aon domanà fora l capofrazion Paolo Rizzi.
Co éla la situazion del bosch? Él amò n muie da fèr per l rencurèr sù?
Paolo Rizzi: La firma Klade à tacà ite apenamai che l’à podù a rencurar sù i ultimes toc fora l Campigol. Chiò i à amò dotrei setemene da far, endana i à tacà a lurar ence fora Prapolin ajache i aea fenì ja Moena. Na bona part di lurieres se pel la far co l’harvester, che l rua daperdut olache no l’é massa ert e se pel parar inant più en prescia. N’outa che i à fenì fora l Campigol cognon meter a post dute le strade e dò la jent podarà jir a se rencurar sù ajache restarà ciuches e ciucimes e piante chiò o ló, dut legna sorida vejin a strada.
Resta semper averta la gran costion de che far di pré zenza piante, fajone pascol o bosch? Noi aane portà dant nosce idee, ge aane manà a la Provinzia de Trent ence na proponeta per far n projet pilota, doventassa n biliet da vijita de gran valuta. Ma no aon abù nesciuna resposta.
De più su La Usc stampèda de vender ai 8 de mé 2020.
(Monica Cigolla)
Te la doana: 100 bareles, 100 badii e 100 restìe
La Frazion de Vich à beleche fenì i lurieres per rencurèr sù l legnam crodà. L capofrazion Paolo Rizzi ne met dant gregn e pìcoi intervenc per l paìsc.
Galaria retrac
View the embedded image gallery online at:
https://www.lausc.it/valedes-ladines/fascia/12627-te-la-doana-100-bareles-100-badii-e-100-restie#sigProId2a849cf9f2
https://www.lausc.it/valedes-ladines/fascia/12627-te-la-doana-100-bareles-100-badii-e-100-restie#sigProId2a849cf9f2