»Con voscia oujes e voscia emozions me aede moet. Develpai per chel che aede dit al scomenz del video e develpai per chesta voscia verscion. Ve é sentù fort e chièr aldelà di confins de la rejons, de là da la poures e la malsegureza de chest moment. Me mete adum con vo. Chesta l'é na cianzon scrita per duta la femenes e l'é n envit a crepèr la cedenes de perjon, de vigni sort, e ge dèr la man a noscia essenza e no aer poura de la viver. Ve mane n braciacol a duc vo e speron de se veder prest«. L'é semper bel veder che l lurier fat l vegne aprijià, amò più bel cogn esser se sentir dir chesta paroles de lauda da na ciantarina de livel internazionèl che à giusta fenì de scutèr tia interpretazion de na sia cianzon. Chest ge é sozedù a Elena Favé, joena fascèna che fèsc l terzo an del cors de popular music al conservatorie de Trent e che d'istà la sona coi Souled Out, grop che met dant medley di più gregn artisć de la musega pop.
L projet, jit inant te la setemènes, l'é ruà a ge fèr ciantèr ai students di trei egn pop del conservatorie che studia ciantia la cianzon de Elisa In Piedi. »Elisa l'é stat la pruma artista che à segnà e influenzà mia identità musicala – à dit Elena - tant per l timber de ousc che per la maniera de scriver. Te chisc 3 egn son cresciuda e é cognosciù autra musega, ma ela resta semper na segureza e ge no aee mai volù ciantèr sia cianzons per poura de les roinèr«.
De più su La Usc stampèda de vender ai 22 de mé 2020.
(Daniele Verra)
En pe, en pe, va a te tor chi dejideries
Elena Favé à abù compliments da doi autoritèdes de la musega internazionèla per sia interpretazions.
Galaria retrac
View the embedded image gallery online at:
https://www.lausc.it/valedes-ladines/fascia/12723-en-pe-en-pe-va-a-te-tor-chi-dejideries#sigProId745adeced3
https://www.lausc.it/valedes-ladines/fascia/12723-en-pe-en-pe-va-a-te-tor-chi-dejideries#sigProId745adeced3