Sion oramai de jugn e la sajon da d’istà é sun usc. Dò meisc de malsegurezes taca pian pian a se verjer la moza e a se fèr più chières la regoles per i sacotenc operatores del turism che cogn se la fèr cà chisc meisc che vegn tel setor de l’acolienza.
Da la enrescida fata da l’Apt de Fascia per saer i orientamenc di ghesć per chesta neva sajon l’é vegnù fora che l 46% preferesc prenotèr te cartier e l 40% te hotel. Ence l numer de domanes che rua sul portal de l’Apt e sun etres siti de prenotazions online somea confermèr chesta tendenza.
Se cogn dir del rest che i cartieres cour na bona fieta del total de posć let de Fascia. Sun 60.000 a la leta, 20.000 i é ti hotìe, 20.000 te cartieres privac e 20.000 te seconda cèses.
Chisc dis se dombra n smaorament semper maor de domanes ence per via che la jent pian pian pel tachèr a se mever, coi 3 de jugn ence fora dai confins de la regions.
La voa de vacanza é grana, la jent à besegn de se n jir fora da la zitèdes, dò esser stata magari per doi meisc e passa serèda ite te n pìcol cartier. E grana l’é ence la voa de spazies averc, de aria neta, de raides sa mont.
N muie de jent podarà se emprevaler ence del bonus vacanzes metù a la leta dal goern per ge dèr n aiut concret a la families e per fèr pontèr via endondanef l’economìa de la Tèlia...
Se pel lejer dut l'articol e l box de aprofondiment sui bonus vacanza su la Usc nr 22 stampèda ai 5 de jugn (Monica Cigolla)
Cartieres anti Covid: regoles e consees con mìngol de bon sens
L protocol provinzièl met dant na lingia de indicazions su l’acolienza e la netijia. Cristina Donei, presidenta de la Sociazion Fitacartieres de Fascia, auza fora chela più prateghes
Galaria retrac
View the embedded image gallery online at:
https://www.lausc.it/valedes-ladines/fascia/12802-cartieres-anti-covid-regoles-e-consees-con-mingol-de-bon-sens#sigProId900e0eec48
https://www.lausc.it/valedes-ladines/fascia/12802-cartieres-anti-covid-regoles-e-consees-con-mingol-de-bon-sens#sigProId900e0eec48