Veder e veder delvers, no l’é medemo

Data

06 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A Trent à endò avert la mostra Fake, che dai 12 de messèl la sarà te Fascia
Te la vita de ogne dì, la vista l’é chel anter i 5 sensc che più duron. No pisson che l’é aboncont de spes ence l manco fidabol. N muie de chel che vedon e pisson che l sie ogetif, no l’é tèl. L mostra Fake la vel apontin desmostrèr i limits di eies de l’om, metan dant na prejentazion e na descrizion scientifica di fenomens che ne fèsc… veder vèlch che no l’é.
»Con la scola ladina – ne à dit l professor Thomas Zulian - aon colaborà a la realisazion de chesta mostra. Aon enjignà 4 exhibit con 2 clasc, la seconda e la quarta scientifich, su la storia del cinema: aon enjignà na ‘cambra scura’, l taumatropio, l fenachistoscopio e l zootropio«.
Cater exhibit doventé pèrt de la mostra Fake, mostra enjignèda da n grop de fisics trentins da l’inom Level Up. De chisc fèsc pèrt i trei fondatores Giuliano Zendri president, Tommaso Rosi e Giovanni Formilian aministradores.
L projet l’é stat metù dant timpruma a Trent te la Galarìes de Piedicastello de mèrz, canche aboncont dò pec dis l’à cognù serèr cauja Covid. Con i ujes averc di musees aboncont, la mostra à endò podù averjer de jugn e se pel la veder belimpont a Trent endèna.
Ai 12 se messèl sarà enveze l’inaudazion te Fascia te la scola populèra de Vich, olache la mostra restarà enscin ai 20 de aost.

Se volede lejer zeche de più en cont de chesta mostra, ve envion a lejer l'articol entriech su La Usc 26 di 3 de messèl  (Daniele Verra)