La Usc di Ladins

Lista »Grop per Moena« con l candidat ombolt Alberto Kostner

Felice Canclini
Loredana Chiocchetti
Marta Covi
Alessandro Degiampietro
Genny Deville
Maurizio Deville
Cristina Donei
Luca Follador
Giuseppe Gilli
Angelica iellici
Giancarlo Ramus,
Biju Vadagnini
Marco Zanon
Nicola Zanoner
Annalisa Zorzi

Chiò podede lejer la pruma trei domanes che ge aon fat al Candidat Ombolt. 
Podede troèr l'intervista entrìa su La Usc 36 ensema con l program.

Perché ve metede a la leta per rejer vosc Comun ti egn che vegn?
Per n sens de responsabilità ti confronc del paes. L’é jà da temp che rejonon con i velges aministradores de la mendranza percheche volessane ge dar na man a nosc paes a vegnir fora da chest problem de imobilism che l’à en te chest moment. Se proponon per portar inavant l svilup economich, turistich e sozial.

Coluna él la robes miores che à caraterisà i ultimes 5 egn te vosc Comun?
Per chel che varda le opere publiche, de bon l’é che l’é stat refat L Vial de Moena. Autres intervenc però i é dut velges projec, desché la restruturazion de la ciasa de comun, che l’era n projet de l’aministrazion da inant.

E colugn enveze i problemes o la dificoltèdes maores?
Segur la gestion de le emergenze. L »post Vaia« l’é stat gestì a na maniera massa pegra e per Moena l’é n gran problem percheche l patrimonie del bosch ti secoi l’é semper stat na rendita emportanta, inant l’encas da la vendita del legnam l’era entorn ai 6-700 mile euro, per i egn che vegn al comun l ge menciarà.
Dapodò l’é l comedament dò l’egajon per meter en segureza duc i rives. L’é tanche ruà n projet de la Provinzia che però l’é belebon de impat tant a livel visif che de viabilità e de tempes de realisazion, ge völ meter a jir n confront per veder se l’é l’unica soluzion.
N auter problem l’é la viabilità, chesta aministrazion ge à permetù a duc de ruar fin al scomenz de la piaza e chest à creà da nöf trafich tel zenter del paes.
No l’é da desmentiar la manutenzion: l paes cogn esser net semper, no demò en temp de stagion.