La Usc di Ladins

Lista »Inant per Sèn Jan«

Cesare Bernard de Moch
Lisanna Cincelli de Zul
Stefano Cincelli de Cibele
Michela Dallemulle
Lucia Dellagiacoma del Malgher
Francesco Detomas del Monech
Ervin Obletter de Albert
Germano Pedrotti de Pich
Gianluca Rasom de Gotart
Filippo Rasom de Ciancele
Luca Rasom de Onz
Antonella Winterle de Zilia
Claudia Zanet dal Poz


Lista »Adum per Sèn Jan«

Damiano Bernard de Moch
Gianmarco Cera
Claudio Cincelli de Jina
Marco Costazza dal Barbier
Francesca Degasper de Gac
Christopher Deluca Cif
Lodovico Detomas Lodo de Rosa
Gianluca Donei del Malgher
Mara Dorich de Coloc
Luca Mazzel de Frecol
Daniela Vian de Poch
Vanessa Winterle de Zilia
Simone Zulian de Cuz

Chiò podede lejer la pruma trei domanes che ge aon fat al Candidat Ombolt. 
Podede troèr l'intervista entrìa su La Usc 37 che vegnarà fora en vender ensema con l program.

Perché ve metede a la leta per rejer vosc Comun ti egn che vegn?
Canche se aon metù dant per l Comun de Sèn Jan aane sotrissà che 2 egn i é massa curc per poder portar junsom n program e l’aane metù jù sui 7 egn. Donca sion chiò per l portar junsom.

Colunes él la robes miores che à caraterisà i ultimes 5 egn te vosc Comun?
Desché aministrazion de Sèn Jan cognon parlar de 2 egn… e crese che sion rué a far n muie de gra al personal, a l’aministrazion e dut l Consei che l’é stat apede a le dezijion portade dant. Sion a una con Aloch che chest an l cognessa verjer ai prumes de november donca i bec podarà far si arcedamenc sobito zenza cogner jir dalonc. Aon en apalt l projet de la sala polifunzionala e de la caserma di studafech da Vich, che fosc se no fossa stat l covid vedassane jà valch barela jir inant e endò. L’é stat metù en segureza l stradon a Pera. Sion ponté demez col projet pilota de mobilità alternativa: l’é stat metù a jir na naveta che va per Sèn Jan e soe frazion e aon serà al trafich Gardecia, Val Sèn Nicolò e i Munciogn. L’istà passà sion stac belebon critiché, ma jà da chest istà aon abù demò aprijiamenc. Dapò aon fat l’armonisazion di pians de frabica, ge aon metù man a la cortina de Pera e tacaron pian pian via Sèn Jan. Aon lurà n muie sul sozial apede al CGF e soraldut sion dò a completar l polo scolastich (l’é stat portà via le popolare, i é do a far fora l prefabricat di licei e c. i.).

E colugn enveze i problemes o la dificoltèdes maores?
Aldò de la fujion se aon troà ence valch neva, soraldut se parlon de sotservijes. Aon fat na recognizion e l’é vegnù fora che ti 10 egn che vegn cognaron far entervenc per 7 milions de euro per meter a post le rei de le aghe da beiver e chele de le aghe bience e de chele neigre.