Fascia: bona partezipazion a la litazions

Data

21 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A Ciampedel la perzentuèla maora, a Moena la mendra, più bassa che a Cianacei.


La é del 74,16% la perzentuèla di fascegn che è jic a litèr ai 20 e 21 de setember. Sun 8199 sentadins che aea derit, 6080 i à responet a la chiamèda. La perzentuèla maora é stata arjonta a Ciampedel, olache l’83,20% di sentadins se à prejentà te la senta litèla. Sobito dò, con l’80,69% di litanc, vegn Soraga, paìsc che é semper sunsom a la classifica di litadores più lezitenc. Vegn dò Mazin col 78,03% e Sèn Jan col 76,45. La perzentuèla più bassa é stata arjonta a Moena (60,61%) e no, coche se aessa podù se spetèr, a Cianacei, olache à lità l 70,88% di sentadins. Tel Comun tinsom la Val l’era demò una lista per l’aministrazion del Comun e l’é stat fat ence na campagna per envièr la jent a no jir a litèr. 

Ben segur chisc l’é i dac complessives, e podessa esser che zachei no aesse tout duta trei la zedoles, chela per l Referendum, chela per l Comun General e chela per sie Comun, e che donca i numeres di litanc per la trei desvaliva consultazions i sie desferenc. Ampò l’ejit fèsc pissèr che l quorum sie stat arjont e che a Cianacei sie la conferma del nef ombolt Giovanni Bernard “Zuf” de Zapin.  (lg)