Prumes stritoc anter maoranza e mendranza

Data

18 de otober 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’ombolt Fausto Castelnuovo à fat l jurament e dedicà so prum descors ai ejic de la campagna litèla. Nominé i 2 raprejentanc tel Consei general
Bona prejenza, tel respet de la lèrga consentida da la precauzions sanitères, te Cèsa de Comun a Fontanac ai 7 de otober per l prum Consei de Comun de Mazin con l’ombolt Fausto Castelnuovo, che dò ge aer zedù la reta per n mandat a Nicoletta Dallago per aer arjont l numer de mandac pervedù, l’à endò ciapà te ma la redenes.
L Consei, vidà dal comember più de età, l conseier de mendranza Luciano Costazzer, à ratificà la nomina de l’ombolt e de duc i conseieres conferman che no sie incompatibilità. Dò aer dit sù la formula de jurament, Castelnuovo à volù fèr n descors per rengrazièr si litadores de la fiduzia, l’à dit che l sà de poder contèr su na maoranza forta che à la medema vijion per l ben comun, ma no l se à sparagnà paroles dures ti confronc di ‘etres’, dijan che no servìa si intervenc zenza competenza e anunzian che sarà rejons de contrast con la mendranza, che l’à definì ‘sgangherata’ e ‘folcloristica’. No bèsta se prejentèr a la litazions – l’à fenì fora – per aer capazità aministrativa.

De più su La Usc 41 di 16 de otober
 (Lucia Gross)