La Usc di Ladins

Te Fascia l metan é stat portà jà acà più 20 egn te beleche duc i paìjes, fora che a Cianacei, che enlouta aea dezidù de ge jir dò a n’autra strèda: l’aministrazion de Comun aea lurà per la projetazion e la realisazion de na zentrèla de telesciudament ajache la pissèa che fosse stat la soluzion miora per esser autonoma. Ti egn purampò l’é sutà fora desvalives problemes, de sort aministrativa ma ence per via de la mencianza de finanziaments publics per chesta sort de intervenc. Amò del 2016 Giuseppe Detomas, enlouta conseier provinzièl, domanèa te Consei provinzièl coluns che fossa stat i intervenc a sostegn de soluzions per didèr Cianacei a ressolver chesta costions energetiches, e enlouta la resposta provinzièla da man de l’assessor Gilmozzi l’era stat che la jonta no aea più en program de finanzièr l telesciudament te comuns olache l’era possibol meter a jir l sistem de metanisazion. »L Comun de Cianacei – aea dit Gilmozzi – cogn ge portèr dant a la PAT i elemenc programatics de svilup de sie teritorie. Donca se Cianacei domanarà, la PAT metarà tel bando de gara la metansazion de chest comun.«

De più su La Usc 43 di 30 de otober