Descheche l 1492 l’é stat l’an de la descorida de l’America e l 1789 chel del scomenz de la revoluzion franzousa, l 2020 sarà recordà te la storia de l’umanità desche l’an te chel che l’é vegnù al luster duta la problematiches de na sozietà globalisèda. N an che vegnarà recordà per la petorcena del Covid, che, zenza fadìa, l’é stat bon de ge fèr mudèr viesta a la sozietà, metan sotessora duta noscia vida de viver e veder l mond. La neva generazions les é chiamèdes a pissèr a na vijion alternativa de comunanza globala: per fèr chest, ge vel che sie na riconescion con la politica e che chesta la sie bona de ge dèr da nef fiduzia a la jent. Na veièda al passà, na conscidrazion al prejent e i mudamenc che à de besegn nosc mond per l davegnir: chest l’argoment de Filoreflex, numer ot.
De più su La Usc 02 di 15 de jené
(Nicoletta Riz)