L’é la seconda outa tel chèder de chesta rubrica de libres che tolon en analisa n roman che à dat vita a na serie-TV de suzess. Dò Tredici, che anter l’auter aea avert noscia lingia de rezenjions, chesta l’é l’outa de La Regina Degli Scacchi. Tant l liber che l film a puntates porta dant i medemi argomenc, la medema problematiches vivudes da la protagonista Beth: na vita te doi mondi senestres, chel opressif de l’orfanotrofie olache la cresc e chel mascolin del jech di scaches che ge darà la gloria, enceben zenza pèsc per sia ènema. Senester dir da olache l’é ruà la dezijion de tor chest liber, che l pièje o no l’é seguramenter no-convenzionèl, a model de na serie TV. Seguramenter l’é stat na endesfida venta. Giudizie personèl: n muie più bel l titol originèl, The Queen’s Gambit, da traslatèr con “Gambetto di Donna”, na mossa durèda per averjer la partides de scaches e che l pel troèr interpretazions desvalives a desferenza de chel talian che l dèsc ence na vijion dalonc dai segnificac del liber.
De più sun La Usc 07 di 19 de firé
(Daniele Verra)
